Ginpataasan it National Food Authority (NFA) ro presyo it pagbakae it paeay agud nga madugangan ro reserbang bugas it nasyon.
Suno kay NFA Administrator Larry Lacson, masobra sa 100,000 metriko tonelada pa eamang it paeay ro nabakae it ahensya, maeayo sa target kara nga 500,000 metriko tonelada.
Kapin sa ₱30 kada kilo eon ro presyo it NFA para sa uga ag malimpyo nga paeay, samtang ₱25 hasta ₱26 kada kilo man ro presyo para sa eabtong nga paeay.
Sa pihak kara, padayun pang gina-imbestigahan it ahensya kun ham-an nga mahinay gihapon ro pagbaligya it paeay kanda sa pihak it pagtaas it presyo.
Suno kay Lacson, nakapahaum eon ro NFA nga magbakae it dugang nga paeay, kaibahan ro pagpaeapad it andang mga bodega. Sa pihak kara, ginklaru nana nga indi nanda masarangan nga ipasaka pa sa ₱30 kada kilo ro presyo it pagbakae sa tanan nga klase it paeay bangud nga limitado man ro andang pondo.
