Balik eon sa normal ro supply it kuryente sa pilang parte it Aklan eabi eon sa Isla it Boracay.
Suno kay Reagan Alcantara it National Grid Corporation of the Philippines (NGCP) nga naibalik it mas temprano ro operasyon it Unidos-Caticlan 69kV Line ko Pebrero 13, kun sa siin, nakumpleto ro restoration works antes ro target date kara nga Marso 2026.
Raya hay kasunod it hinyu it lokal nga gobyerno it Malay nga makaangkon it masaligan nga supply it kuryente para sa nakataeanang ASEAN Summit activities makaron nga Marso sa Isla it Boracay kamana man ro summer peak season sa isla.
Ginpahayag dugang nga nag-deploy ro NGCP it 24 nga line gangs halin sa nagkaeain-eain nga parte it Visayas ag South Luzon agud nga mapadasig ro proyekto.
Maskin nga eubusan eon nga naibalik ro 69kV line, padayun nga ginasueong it NGCP ro pangmabuhayan nga solusyon para sa lugar, ro Nabas-Caticlan-Boracay 138kV Interconnection Project, nga target makumpleto sa Agosto 2026.
Sa oras nga matapos, magatau sigon ro proyekto it maayos ag mas masaligan nga suplay it kuryente sa Aklan ag mga kaiping nga komunidad.
