Kalibo Aklan —-Tayuyon eon ro water delivery ag distribution it National Irrigation Administration (NIA- Aklan sa eastern side it probinsiya it Aklan .
Suno kay Freddie Meren, Senior Water Resource Facilities Technician it NIA Aklan nga maskin nga bukon pa it eubusan nga tapos ro konstruksyon it irrigation dam sa Barangay Sigcay, Banga, apang mayad eon ro anang impact kara .
Ginpaabot pa kara sa mga irrigators’ associations nga umpisahan eon ro clearing operations agud nga madali nga maka-avail it patubi sa irigasyon .
Ginapasugtan man sigon nanda ro mga nagabutang it taroe , apang dapat nga regulated ukon indi masyadong makapugong sa pag ilig it tubi.
Bangud sa bastante nga supply it tubi , pwede eon nga makapatigayon it 3rd cropping ro mga mangunguma agud nga masiguro ro rice self sufficient sa probinsiya sa tunga it COVID -19 pandemic.
