Sports —- Ginkibot it Nigeria ro Estados Unidos matapos nga pierdihon sa score nga 90-87 sa pre-Olympic basketball friendly sa Las Vegas, Nevada.
Ro Nigeria nga may an-um nga NBA players ag nagadumaea nga dating NBA head coach nga si Mike Brown ro naging kauna-unahan nga African nation nga nagpierde sa USA, kun sa siin ro daywang koponan hay unang nagpatigayon it hampang para sa limang tune-up games antes ro Tokyo Olympics.
Ginpangunahan ni Brooklyn Nets star Kevin Durant ro Americans nga may 17 points.
Samtang, ro Nigeria nga may 12 nga NBA players para sa andang 49-man training camp sa California ag pito ro nakasuksok it uniform ko Sabado hay ginpangunahan ni Gabe Vincent nga may 21 points.
Ginpahayag ni USA head coach Gregg Popovich nga preparado ro Nigerians bangud nga nag umpisa eon sanda it training kato pang katapusan it Hunyo samtang sanda hay nag assemble pa eamang ko nagtaliwan nga ap-at nga adlaw antes ro hampang.
Gindugang pa ni Popovich nga ro kapierdihan hay makabig nga learning experience ag bukon it ” end of the world.”
Ro pagdaog it Nigeria hay siyam nga dag-on ro nagtaliwan matapos nga ilampaso it United States ro Nigerians sa 156-73 sa London Olympics.
Ro United States nga nakadaog eon it tatlong Olympic men’s basketball titles antes nga naangkon ro bronze ko 2004 hay nagahamdum nga maibalik ro global dominance matapos nga nagpang-pito eamang sa 2019 FIBA World Cup.
