Ginaduso ni Senate Majority Leader Francis Tolentino, Office of the Solicitor General (OSG) nga magtukod it sangka special legal team nga magasentro sa mga bullying cases sa West Philippine Sea (WPS).
Sa hearing sa Senado angut sa budget it Department of Justice (DOJ) para sa 2025, ginapausisa ni Tolentino kay Solicitor General Menardo Guevarra, kon ano ro estado it “specialized unit” nga kada dag-on ginasambit it senador sa budget hearing sa ahensya.
Ginpakigbahin it senador nga nagabayad pa ro OSG sa mga abogado sa iba nga pungsod para sa kaso nga pag-harass it China sa Pilipinas.
Suno kay Tolentino, nga kon raya ro kaso sa pag-hire it admiralty lawyer sa kada kaso it harassment it China, mas mayad eon lang nga magpatukod it kaugalingon nga special admiralty unit ro OSG.
Gindayaw ni Guevarra ro nangin obserbasyon it senador ag ginkumpirma man raya nga mabahoe ro gasto it gobyerno sa pagbuoe it mga dumu-euong abogado, nga nagabulig sa international litigation ag arbitration it pungsod sa West Philippine Sea.
