Ginaeauman eon ro bulto it mga tawo nga magatambong sa opening salvo it Kalibo Sto. Niño Ati-atihan Festival 2023 makaron nga adlaw it Sabado, Oktobre 8.
Ginpahayag ni Boy Ryan Zabal, chairman it sadsad and parade committee it KAFEB nga kapin sa 1,500 hasta 2,000 drummers ag 50 hasta sa 60 ka mga grupo ag tribu ro ginaekspektar nga boluntaryong magapartisipar sa igapatigayon nga sadsad salvo sa mga nagapangunang karsadahon sa mismong festival zone area.
Ginpahayag dugang ni Zabal nga ro nasambit nga mga partisipante hay gin-imbitahan it lokal nga gobyerno ag uwa pa kanda it ginta-o nga insentibo.
Mag-eowas kara, magiging highlights it event ro state of the municipal address ni mayor Juris Sucro nga pagasundan it fireworks display ag foam party para sa mga tumaean-aw.
Nasayuran nga haeos daywang dag-on napaiway ro nasambit nga kasadyahan bangud sa pandemya rason nga ginaekspektar ro inde mahueagan it dagom sa kaabuon nga tawo.
