KALIBO, Aklan — Owa it maeain sa mga estudyanteng nagasueod sa mga progresibong grupo.
Raya ro pagpati ni dating Magdalo party-list representative Gary Alejano kasunod it napabalita nga pagkaduea it mga pamatan-on nga na-recruit sigon it mga makawaeang grupo.
Suno kana nga owa it maeain sa pagiging aktibista bangud nga owa man raya it gina-eabag nga layi sa Pilipinas.
Raya sigon ro mga rason kon ham-an nga na-repeal ro Republic Act 1700 ukon Anti-Subversion Law agud nga mataw-an it kahilwayan ro mga pumueuyu nga makapahayag it andang baeatyagon sa demokratikong pamaagi.
Bangud kara, bukon it pabor si Alejano sa proposisyon ni Interior Secretary Eduardo Año sa uman nga pagbuhi it nasambit nga layi agud nga mapundo sigon ro komunistang organisasyon nga makapag-recruit it mga university students ag himuon nga rebelde ro mga raya sa huli.
Dugang pa ni Alejano nga ro maeain eamang hay kon armasan ro mga estudyanteng aktibista.
Samtang, bilang dating military hay dapat suno kana nga eaparan pa it gobyerno ro pag-intindi sa isyu ag indi maging utok pulbura.
Dapat sigon nga maging ulihing option ro military solution.
