Tuman kabug-at ro kapin sa P1.55 nga ginsaka sa per kilowat hour sa konsumo it kuryente nga gin-imponer it Aklan Electric Cooperative ukon Akelco sa mga member-consumers para sa electric bill sa buean it Setyembre.
Raya ro naging reaksyon ni Mr. Kim Sin Tugna, provincial coordinator it Bagong Alyansang Makabayan ukon Bayan Aklan matapos nga mabatyagan ro pagsaka it andang baeayran makaron nga buean kon ikumpara ko nagtaliwan nga buean nga andang nakonsumo.
Suno kana, makabig nga basic needs ro power supply apang dapat sigon nga mag-agi anay kunta sa konsultasyon sa mga konsumidor ro increase rate it kooperatiba.
Mas eabi sigon nga mabug-at raya sa ibang sektor sa komunidad bangud sa kawad-an it trabaho, pagsaka sa presyo it baeak-eon ag maabong iba pa.
