Ginbulgar ni George Villanon Jr., sambilog sa 18 ginakabig nga “maleta boys,” nga gintanyagan sigon sanda it ₱20 milyon hasta ₱25 milyon kabaylo it pagbawi sa andang mga salaysay nga naga-konekta sa pilang opisyal it gobyerno sa korapsyon sigon sa flood control projects.
Ro pahayag hay kasunod it pagperma it ap’at nandang kaibahan sa recantation affidavits, kun siin ginhambae nanda nga bukon it minatuod ro andang naunang joint affidavit.
Uwa man gintumod ni Villanon kun sin-o ro gina-alegar nga nag-tanyag it kwarta.// ginpamilit ni Villanon nga nagapabilin ro panindugan it iba pa nandang kaibahan sa andang mga naunang salaysay.
Samtang, ginpamalibaran ni Atty. Levito Baligod ro alegasyon it ap’at nga “maleta boys” nga ginagamit nana ro andang mga pahayag para kumita.
Ku Pebrero, unang ginpakilaea ni Baligod ro 18 dating Marines nga nagserbe sigon nga mga bagman sa pagdaea it ₱805 bilyong kickbacks halin sa mga maanomalyang flood control projects.
