Kapin sa P30 billion asta P40 billion ro kinahangeanon it incoming administration para masabat ro kakueangan sa suplay it bugas sa second half it dag-on bangud sa nagatinaas nga presyo it fertilizer suno sa sangka opisyal it Department of Agriculture.
Ginpahayag ni DA Undersecretary Fermin Adriano nga raya hay sangka padumdum sa masunod nga adminsitrasyin bangud wa sigon it kasiguraduhan kung mangin bastante ro suplay it bugas sa second half it presenteng dag-on kung siin posibleng may mag-eontad nga problema enggkaso nga indi mataw-an it ayuda ro mga mangunguma para sa andang kinahangaean nga fertilizer.
Posible man sigon nga maka-angkon it contraction it 1.1 million metric tons sa paeay ukon sa paddy rice output.
Dugang pa it DA official nga ginaduso it taeatapan ro produksiyon it mas maabung binhi nga mapanudpod it libre para sa mga mangunguma.
Nauna eon nga nagpaandam si DA secretary William Dar sa paeag it food crisis daea it mataas nga presyo sa farm inputs sa ikaywang semester it 2022 nga kapin pang naglala bangud sa COVID19 pandemic, pagtaas it presyo it produktong petrolyo ag ro giyera sa Ukraine.
