NATIONAL News — Gin-aprubahan it World Bank (WB) ro panibag-ong pautang sa Pilipinas nga nagabalor it $800 milyon ukon katumbas it P46 bilyon para sa Philippines First Energy Transition and Climate Resilience Development Policy Loan.
Tuyo it bag-ong pautang nga mapadasig ag pabaskugon ro paggamit it clean energy technology sa nasyon, pabaskugon ro seguridad ag kompetisyon sa electricity market, ag maging manami ro water management.
Pinaagi sa bag-ong utang, ginaeauman nga madugangan ro installed generation capacity it renewable energy sources sa 42% pag-abot it 2027 halin sa 30% ko 2023.
Pagasuportahan man kara ro pagbakae it 1,000 megawatts it offshore wind capacity nga bag-o, ag ro pagpatuman it energy efficiency measures para makatipid it 5 gigawatt hours kada dag-on.
Gina-ambisyon man it programa nga maging electrified eon ro mga saeakyan sa public sector ag ireporma ro electricity market para mabawasan ro carbon emissions.
Para sa World Bank, makabulig raya para mag-invest ro pribadong sektor sa renewable energy ag masiguro ro sustainable and energy transformation it nasyon.
Ginpahayag it World Babk nga kinahangean it Pilipinas it mga reporma para mapadasig ro pagsaylo sa clean energy ag obrahon nga mas barato ro kuryente para sa tanan.
