Magapangatubang sa mas mabug-at nga penalidad ro mga hospital nga indi magsunod sa Anti-Hospital Deposit Law (RA 10932).
Sa House Bill 3046 nga gindihon ni Davao City Rep. Paolo Duterte, nakabaehag nga umpisa sa P1 milyong piso nga multa hasta sa igataas sa P5 milyon nga penalidad ro igatao sa sa mga ospital ag klinika nga nagapangayo it deposito antes buligan buligan ro mga tawong sa peligro eon ro kabuhi.
Ro mga empleyado ukon medical practitioner nga magaeabag sa Anti-Hospital Deposit Law hay pagataw-an it penalidad nga P500,000 hasta P1 milyon ag pagkakulong nga ap-at hasta an-um nga dag-on.
Oras man nga matumod nga tatlong beses eon nga nag-eabag ro pasilidad hay pagakanselahen eon kara ro permit to operate
Paathag ni Duterte sa pagdihon it hagna, limang dag-on umpisa nga mapabaskog ro laye hay may una sa gihapon nga mga reklamo angot sa mga nagapangayo it deposit antes asikasuhon ro pasyente apisar nga sa peligro eon ro kabuhi kara.
