Igapatigayon ro PADUE-OS 1st Local Skimboarding Showdown sa banwa it Kalibo sa maabot nga Enero 16-17 nga may tatlong category ro newbie, class a ag class b.
Raya ro ginpahayag ni John Bonfel E. Oquendo Founder it The Holiday Crew ag ro Event Organizer it nasambit nga showdon.
Suno kay Oquendo nga raya hay suportado it alkalde ku banwa nga si Mayor Juris Sucro ag ku bilog nga konseho ku banwa it Kalibo.
Ro nasambit nga daywang adlaw nga showdown hay igapatigayon sa Pook Jetty Port, kung siin nga may skimboard clinic man nga libre para sa mga gusto magpaturo, ag may nagakadapat man nga premyo sa mga magadaog.
Pagpahayag pa nana nga tanan hay mahimo mahilig ukon magpaturo kanda it skimboarding.
Eain sigon ro surfing sa skimboarding kung siin nga 6 feet halin sa baybay ukon bisan bukon it mabaeod hay pwede raya nga mahimo ukon ma-execute, bukon man sigon it kinahang-ean nga kantigo mag-eangoy ro indibidwal nga gusto magpaturo bangud nga uwa man raya nagakinahang-ean gid it mataas nga tubi.
Malipayon man nana nga ginpakigbahin nga maliban sa matao kara nga benepisyo sa pisikal hay may positibo man raya nga epekto sa mental ku kada indibidwal.
