Ginakabig it Bagong Alyansang Makabayan ukon Bayan Aklan nga insensitive, unnecessary ag iresponsable ro pag-atendir ni Pangueong Ferdinand Marcos Jr. sa Singapore Grand Prix.
Suno kay Bayan Aklan provincial coordinator Mr. Kim Sin Tugna, nagademand ro andang grupo it eksplinasyon ag transparency maghalin sa palasyo it malacañang sa ginasugid nga business trip it pangueo.
Ginpahayag dugang nga milyon ro naging gastos it grupo ni Marcos sa pag-atendir sa nasambit nga event kon siin posible sigon nga bukon it personal nana nga kwarta ro ginamit kundi kwarta raya it Pilipinong pumueoyo maghalin sa ginabayad nga buwis.
Nagakadapat eamang suno kana nga masayuran it publiko kon anu ro naging transaction it pangueo sa ginasugid nga naging produktibo ro anang pagbalik sa nasambit nga nasyon sandig man sa ginpaguwa nga pahayag it tagapaghambae it presidente nga si press Sec. Trixie Cruz-Angeles.
