KALIBO, Aklan — Nagapati si retired army officer Matias “Matt” Wacan nga ro anang pag-atras sa anang kandidatura sa pagka kongresista sa ikaywang distrito hay nakabulig sa pagdaog ni Congressman elect Florencio “Joeben” Miraflores ko nagtaliwan nga national and local elections ko Mayo 12.
Suno kana nga mabahoe nga bagay ro anang nabo-oe nga boto nga masobra sa 8,200 kun sa siin ro abanse eamang ni incumbent 1st district Congressman Ted Haresco kontra kay Miraflores hay masobra sa 3,000 nga boto eamang.
Naisipan eamang sigon nana mga magpa-ilihir sa nasambit nga posisyon bangud nga sambilog imaw sa mga naka eksperyensiya it mga opisyal nga naga abuso sa poder.
Bangud nga pareho ro andang kawsa ni Miraflores para sa demokrasya rason nga nag-atras imaw sa anang kandidatura ag gintau ro anang suporta kana.
Dugang pa nga kaaway it Armadong Kusog it Nasyon ro mga terorista kapareho it CPP-NPA rason nga ginpakamayad nana nga kontrahon ro kandidatura ni Haresco kon sa siin ro anang chief of staff nga si Benjie Tocol hay nakasuhan suno kana bangud sa pagiging extortionist nga konektado sa Waling Waling command.
Pinaka-ulihi nga naging biktima it grupo hay ro negosyanteng si Engr. Titoy Rodriquez.
Madumduman nga ko nagtaliwan nga Disyembre 27 pinaagi sa sangka press conference hay pormal nga gin-anunsyo ni Matt Wacan ro anang withdrawal of candidacy.
