KALIBO, Aklan—Kinahang-ean eun nga magfill up it online health declaration card ro kutob sa mga nagasueod sa probinsya it Aklan.
Suno kay League of the Municipalites of the Philippines ukon LMP-Aklan chapter president ag Ibajay mayor Jo-en Miraflores nga sandig sa Executive Order 035 nga ginpaguwa ag ginpirmahan ni Aklan Governor Miraflores nga ro tanan nga mga indibidwal nga magasakay by land, air or sea hay dapat nga mag-comply it online health declaration card nga may QR Code antes ro pagbyahe.
Sakop man it panibag-o nga sueondanan ro mga aklanon nga nagpadueong sa ibang probinsya ag mga aklanon maghalin sa ibang lugar nga gustong magbalik sa probinsya.
Pwede man nga magbisita sa website nga aklan.balikbayan.com para sa dugang nga impormasyon.
Samtang, ginapahayag dugang nga owa it pinagbag-o sa pagpauli it mga Locally Stranded Individuals (LSI’s) ag Returning Overseas Filipino Workers ( ROF’s).
Mag-euwas sa negatibo nga resulta it Real Time Reverse Transcription Polymerase Chain Reaction (RT- PCR) test hay kinahangean man nga magbo-oe it letter of acceptance nga makarun hay gin-eain eun ro wordings ag gintawag nga notice of coordination.
Dugang pa kara nga obligado eun ro mga kompaya nga naga-deliver it produkto nga magtaeana it kaugalingon nga isolation facility para sa mga drivers ag pahinante it andang delivery truck.
Raya hay agud malikawan ro pagkaangkon it contact it mga driver ag pahinante sa andang pamilya.
Antes man nga magbiyahe hay kinahangean nga magbo-oe it notice of coordination sa lugar nga paga-adtunan.
