BUSINESS News — Ginaeauman nga magapadayun ro pag-import it Pilipinas it bugas makaron nga dag-on kun sa siin ro shipments hay ginapanan-aw nga maga-abot sa 2.9 million metric tons.
Ginpataasan pa it United States Department of Agriculture (USDA) ro andang rice import forecast para sa Pilipinas sa 2.9 million metric tons, mas mataas sa naunang projection nga 2.5 million metric tons .
Ginbase it USDA ro andang mataas nga forecast sa padayun nga pag-import it nasyon sa Vietnam.
Mataas man ro andang milled rice production forecast sa 12.4 million metric tons halin sa naunang projection nga 12.3 million metric tons .
Mag-eowas kara, ginpataasan man ro consumption forecast sa 14.95 million metric tons halin sa 14.85 million metric tons .
Bangud sa padayun nga pagtaas it rice imports, nagpaandam ro Federation of Free Farmers sa posibleng pagnaba it presyo it paeay sa paeaabuton nga dry season harvest.
