Pagaeauman hin-aga nga adlaw it martes, Abril 5 ro bawas sa sukot sa presyo it produktong petrolyo nga magabuhay hasta sa Abril 11.
Suno kay Dir. Rino Abad it Department of Energy (DOE) Oil Industry Management Bureau, masobra sa daywang piso ro rollback sa presyo it kada litro it diesel ag gasolina.
Eauman man ro bawas presyo sa kada litro it kerosene ukon gas.
Sa pahayag it kumpaniyang UniOil, naga-abot sa P1.80 ro bawas sa sukot sa kada litro it diesel samtang daywang piso man ro magiging bawas sa sukot sa presyo sa kada litro it gasolina.
Sa pahayag it DOE, ro bawas sa sukot sa presyo it produktong petrolyo hay bangud sa naging tikang it United States kun sa siin, nagpaguwa ro andang nasyon it langis halin sa Strategic Petroleum Reserve kara.
Ginpahayag man ni Rodela Romero, Assistant Director it DOE Oil Industry Management Bureau, tuyo kara nga mabalanse ro supply ag demand sa World Market.
Sa makaron hay nagpromisa ro iba pang mga nasyon sa Europa nga magapaguwa man it mga stockpile it langis agud nga masabat ro kakueangan sa suplay it produktong petrolyo.
