Nagasalig ro Philippine Energy Research and Policy Institute (PNRI) nga makauli it mas maeapad nga kasayuran angot sa nuclear energy si Pangueong Ferdinand Marcos Jr. kasunod it anang pagbisita sa Singapore.
Kaibahan sa mga gin-adtunan it presidente samtang idto imaw sa Singapore hay ro Singapore Nuclear Research and Safety Institute (SNRSI) kon sa siin ginasayod ro eksperyensyahan ag ikasarang kara sa patag it nuclear technolog.
Suno kay PNRI Executive Board Member Atty. Jay Layug, maabong benepisyong kasayuran ro pwedeng maging resulta it pag-adto ni Pangueong Marcos sa nasambit nga pasilidad.
Kaibahan eon kara ro kasayuran ag teknolohiya angot sa Small Modular Reactors (SMRs), sambilog sa mga nakikitang tamang teknolohiya para sa Pilipinas bilang sangka archipelago ukon nasyong ginabilog it maabong kapuluan.
Suno kay Layug, mas manami raya ipatindog kon ikumpara sa sangka Nuclear Plant kaparehas it Bataan Nuclear Power Plant.
