Nakataeana nga ibueag ro agricultural service division sa Municipal Economic Enterprise Development Office ukon MEEDO sandig sa ordinansa nga ginaduso ni Kalibo sangguniang bayan member Atty. Christine Dela Cruz kon siin una eon raya sa ikaywang pagbasa it konseho.
Ginpaathag ni Mr. sUriel Las Piñas, municipal agriculturist officer nga ro andang departamento hay nagata-o it serbisyo ag pangabuhian sa mga pumueoyo kamana bukon sanda it income generating division.
Raya suno kana ro nagapangunang rason kon ham-an it ginaduso makaron ro pagbueag nanda sa MEEDO.
Mag-eowas kara, inde sanda makahueag ag maka-function it eksakto sa andang tinutuyo bangud nga nakabutang sanda sa economic enterprise kon siin limitado ro andang ginagamit nga pondo.
Kinahang-ean suno kana nga ro andang ginagastos hay kumporme man sa andang kita rason nga ginaayudahan sanda it office of the municipal mayor pinaagi sa special purpose appropriation para sa andang economic ag food security program.
Gin-ako man ni Las Piñas nga ginasakdag sanda it ibang division para maka-function ro andang taeatapan.
May kaangtanan kara, nalipay sigon ro magtimbang nga parte sa nasambit nga proposisyon bangud nga makapamayad raya sa tagsa ka taeatapan.
