Posibleng makaangkon pa it pagbag-o sa mga polisiya angot sa owa pag-require it COVID-19 vaccination sa mga college student ag manugturo nga gustong magpasakop sa face-to-face classes.
Raya hay matapos ro pagbatikos ni Iloilo 1st District Representative Janette Garin sa naging desisyon it Commission on Higher Education (CHED) nga gintawag kara nga kadaeag-an it mga anti-vaxxer.
Gin-insister ni CHED Chairperson Prospero de Vera nga ro pagbuoe nanda it vaccination requirement hay base man sa ginhimo nanda nga konsultasyon sa mga health expert ag pagtuon sa mga nasyon nga owa eon nagapatuman it nasambit nga sueondanan.
Samtang, nakikipag-angot eon ro CHED sa mga unibersidad para sa plano kara nga maglunsar it panibag-ong school-based vaccination sa tunga it nagahina nga wall of immunity kontra sa COVID-19.
