Gintalakay sa plenaryo sa ginpatigayon nga session it sangguniang bayan it Kalibo ro ginaduso nga resolusyon ni kalibo sangguniang bayan member Augosto Tolentino angot sa andang request kay mayor Juris Sucro nga i-cover sa social security system ukon SSS benefits ro mga contractual ag job order employees it lokal nga gobyerno.
Paborable man si vice mayor Cynthia Dela Cruz sa nasambit nga proposisyon apang kinahang-ean ro maid-id nga pag-istudyo.
Engkaso sigon nga uwa it pondo para makaron nga dag-on hay willing ro proponent nga sa masunod nga dag-on raya iimplementar.
Ginpahayag dugang nga mabahoe raya nga bulig sa mga contractual ag job order employees engkaso nga magkasakit sanda ag pwede nanda nga ma-loan ro andang savings nga magamit pa sa andang ibang kinahang-eanon.
