Ginbatikos ni Pangueong Rodrigo Duterte ro paggamit it mga gamhanan nga negosyante sa Party-List System agud nga mailihir sa Kamara De Representate.
Suno kay Pangueong Duterte, gina-abuso it mga negosyante ro partylist system nga andang ginagamit bilang “front” agud nga makaangkon it impluwensya sa gobyerno para sa andang kaugalingon nga interes.
Indi sigon dapat iboto ro pilang partylist group bangud ginagamit raya it komunistang grupo bilang front rason nga indi nana mabasoe si National Task Force to End Local Communist Armed Conflict Spokesperson Lorraine Badoy sa akusasyon kara kontra sa pilang makawaeang grupo.
Ginbasoe man it presidente sa Saligang Batas ro pagpangibabaw it mga gamhanan nga negosyante ag komunistang grupo sa pamaagi it mga partylist group.
