-- ADVERTISEMENT --
KALIBO, Aklan–Owa it foul play sa pagkamatay it 62 anyos nga construction worker nga nasapwan sa kaeanasan it Brgy. Tigayon, Kalibo, agahon it Lunes, Nobyembre 25.
Raya hay base sa resulta it imbestigasyon nga ginpatigayon it scene of the crime operatives ukon SOCO-Aklan.
Nasayuran nga ro biktimang si Rolando Medina, alias Bong, 62-anyos, sangka construction worker ag residente it Brgy. Puis, New Washington hay nasapwan nga nakahapa kaiping it anang bisekleta ag nakitaan raya it nina sa anang uyahon.
Ulihing nakitang buhi ro biktima it anang unga sakay it anang bisekleta paagto sa anang mga amigo agud nga makipag-inuman hapon it domingo.
