Pagpaidaeom sa Western Visayas sa red alert bangud sa bagyong Karding, ginpaathag it PDRRMC

KALIBO, Aklan—Ginpaathag ni Galo Ibardolasa, head it Provincial Disaster Risk Reduction and Management Council ukon PDRRMC-Aklan nga ro  pinaka-rason kon ham-an nga ginpaidaeum ro Western Visayas sa red alert status tuga it  super typhoon “Karding” ag  southwest monsoon ukon  habagat hay para sa monitong it magiging epekto  kara.

Apang suno kana nga sa mayad nga swerte hay owa it naging epekto ro bagyo sa Aklan bangud nga idtu raya tumama sa Central Luzon nga nagdaeasa sa Romblon ag Mindoro.

Ko domingo nga adlaw suno kana hay  gin-activate ro  Regional DRRMC Emergency Operations Center para sa nagakaigo nga preparasyon.

Partikular nga ginpabantayan ro mga lugar nga posibleng maapektuhan it landslides  ag pagbaha.