KALIBO, Aklan — Sa tuyo nga mapadasig ro pag-estudyo sa pilang problema sa daeagan it trapiko sa banwa it Kalibo, ginaproponer ro paghiwat it transportation summit.
Suno kay Sangguniang Bayan member Matt Aaron Guzman, proponent it resolution nga ro summit hay pagahiwaton sa pakikipagbueuligan it Office of the Municipal Planning & Development Coordinator ag Traffic and Transport Management Division (TTMD) .
Kaibahan sa plano ro pakikipaghinun-anon sa nagkaeain-eain nga sektor partikular ro mga stakeholder it transportasyon agud nga makatipon it mga innovative ideas para sa pag-ayos it public transport.
Mag-eowas kara, handum man nana nga makabilog it route plan para sa maayos ag masaligan nga public transportation.
Raya hay bilang preparasyon sigon sa cityhood it Kalibo.
Sa makaron sigon hay required eon ro mga bag-ong ginatukod nga building nga makaangkon it nagakaigo nga setback para sa nagakaigo nga parking area.
Gindugang pa ni SB Guzman nga ro resolusyon hay aprubado eon ko Lunes nga adlaw ag nakataeanang igasumite sa MPDC ag office of the mayor .
Dugang pa nana nga ginakilaea ro importanteng papel it pampublikong transportasyon sa pag-umwad it banwa ag sa pagtau it pangabuhian sa mga pumueuyu kara.
