Bangud sa sigidas nga pag-inuean rason nga naging atrasado ro trabaho it mga tawuhan it Department of Public Works and Highways ukon DPWH sa pagrepair it mga nasamad nga karsadahon sa bilog nga probinsya it Aklan.
Suno kay Engr. Joey Ureta it DPWH Aklan, may mandato eon kanda ro andang head sa engineering department nga irepair ro mga karsadahon nga nahalitan it nagtaliwan nga pagbaha tuga it bagyong Paeng.
Apang bangud sa sigidas nga pag-inuean hay naging atrasado ro andang pagtrabaho eabi eon sa ginahimo nga patching of potholes sa mga provincial ag national highways.
Mag-eowas kara, limitado eon lang ro andang pondo sa maintenance maging ro andang mga materyales.
Apang, ginahimuan nanda raya it pamaagi agud nga malikawan ro disgrasya sa mga daeanon.
Ginpasiguro man ni Engr. Ureta nga magatayuyon ro andang trabaho sa oras nga taw-an sanda it manami nga panyempo kon siin ginakalitan nanda ro kahigayunan rason nga nagapatigayon it pag-overtime ro andang mga tawuhan.
