-- ADVERTISEMENT --
Nakataeana nga makipagpueong si Pangueong Rodrigo Duterte kay Chinese President Xi Jinping sa maabot nga Abril 8.
Ginpahayag raya it pangueo sa anang naging diskurso sa atubang it mga opisyal ag miyembro it National Task Force and Regional Task Force to End Local Communist Armed Conflict sa Lapu-Lapu City, Cebu.
Dikara uman nga ginpahayag it pangueo nga owa imaw naila nga madaeahig ro Pilipinas sa anumang giyera nga nagakatabo sa guwa it nasyon.
Uman man nana nga gin-insister nga “neutral” ro Pilipinas sa nagakatabo nga kinagamo sa tunga it Russia ag Ukraine.
Sa makaron hay bukon pa it klaro kung pisikal ukon pinaagi it phone ukon video call maga-istorya ro daywang lider.
-- ADVERTISEMENT --
