-- ADVERTISEMENT --
KALIBO, Aklan—Nagpromisa si Pangueong Rodrigo Duterte nga pagasuportahan kara ro kampanya it political aspirants it PDP-Laban, kaibahan eon ro pagtao it sinako nga kwarta para masiguro ro andang pagdaog.
Samtang, bukon man it klaro kung seryoso ro nasambit nga pahayag it Pangueo bangud base sa omnibus election code hay ginabawae ro paggamit it pondo it gobyerno para sa pagkampanya sa eleksyon.
Ginpahayag pa it presidente nga maskin indi imaw makatambong sa tanan nga political meetings hay igakampanya nana ro mga miyembro it partido.
Gin-engganyo man it pangueo ro PDP-Laban party members nga siguraduhon ro integridad it eleksyon para sa tagsa-tagsa nga posisyon, sa pihak it hangkat nga andang paga-atubangon.
