Ginpueong ni Pang. Ferdinand “Bongbong” Marcos Jr. ro mga miyembro it anang economic team sa Malacanang kahapon, Oktubre 18, 2022.
Raya hay para magplastar it economic policy directions it administrasyon para sa nabilin nga buean it dag-on hasta sa unang quarter it 2023.
Suno kay National Economic Development Authority (NEDA) Sec. Arsenio Balisacan, kaeakip sa natalakay ro mga isyung nakaapekto sa nasyon kapareho it inflation, interest rates ag foreign exchange.
Suno sa sekretaryo nga nagplastar sanda it short, medium ag long term sa pagsabat sa problema it madasig nga pagtaas sa presyo it mga baeakeon.
Kaibahan sigon sa ginkonsidera ro pagpadayon it mga programa sa pagtao it subsidiya sa mga apektadong sektor.
Samtang, mag-euwas kay Balisacan, kaibahan sa nasambit nga pagpueong ro iba pang sejretaryo nga nagadumaea sa pilang ahensya it gobyerno.
