Eauman sa paea-abuton nga mga inadlaw nga mapirmahan eon ni Pangueong Ferdinand Marcos Jr. ro daywa sa unang proposisyong laye nga ginpatibay it 19th Congress.
Raya hay matapos ro ceremonial signing it enrolled bills it SIM Card Registration Act ag Barangay ag Sangguniang Kabataan (BSK) Election Postponement, sa pagpanguna nanday House Speaker Martin Romualdez ag Senate President Juan Miguel “Migz” Zubiri.
Tuyo it SIM Card Registration Bill, nga i-regulate ro bentahan it SIM card para matapna ro paggamit kara sa mga mga ilegal nga aktibidad kapareho it scam ag maging krimen.
Sa nasambit nga laye, pagamaduan kara ro mga end user nga magrehistro sa Public Telecommunication Entity (PTE), antes eubusan nga ma-activate ro andang SIM.
Sa pihak ga parte ro pagpaiway man it Barangay ag Sangguniang Kabataan Elections hay igapatigayon sa ulihing Lunes it Oktubre 2023, maghalin sa orihinal nga petsa nga Desiyembre 5, 2022.
Samtang, mabahoe man ro pagpasaeamat ni senator Migz Zubiri sa pagbueuligan it Kamara ag Senado para sa pagpatibay it iba pang imporatateng legislative measures nga ginaduso it Marcos administration.
