Eubus eon ro naging laye ro daywang hagna matapos pirmahan ni Pangueong Ferdinand Marcos Jr. sa Palasyo it Malakanyang.
Ro Batas Republika (R.A. 12000), hay hagna nga nagakriar it mga probinsya it Negros Occidental, Negros Oriental ag Siquijor Island sa sangka Administrative Region ukon ro ‘Negros Island Region.’
Suno kay Pangueong Ferdinand Marcos Jr., ginaeauman nga mas pang mapamayad it laye ro socioeconomic growth sa bag-ong tukod nga Rehiyon para sa kapakanan it mga Negrense.
Ro pagsa laye hay nagatao mas epektibo ag mayad nga paghatod it mga serbisyo sa Rehiyon.
Samtang ro Real Property valuation and Assessment Reform Act (RPVAR Act ukon R.A. No.12001 ) hay importante agud mapamayad ro sistema it koleksyon it buwis sa nasyon nga nagatuyong maangkon ro pagbilog it kita, trabaho ag investment sa bilog nga nasyon.
Suno sa presidente, raya hay kasugpon sa waeong puntong socioeconomic agenda it administrasyon ag ginainsister ro kinahang-eanong i- streamline ag ayuson ro sistema sa pinaagi it sangka unipormeng real property appraisal compliant sa international standard.
