Pangueong Marcos, nakaabot eon sa Switzerland, maabu nga mga  investment ag trabaho ginpasiguro sa World Economic Forum 2023

Positibo ro Pangueong Ferdinand “Bongbong” Marcos Jr. sa magiging resulta it anang pagtambong sa World Economic Forum sa Davos, Switzerland.

Nag-abot ro pangueo kaibahan ro anang delegasyon sa Zurich International Airport bandang alas-4:28 it hapon sa natsambit nga nasyon ukon alas-11:28 nit gabi-i sa Pilipinas sakay it flight PR 001.

Ginpasiguro it presidente nga pagakalitan kara ro pagtambong  sa World Economic Forum 2023 agud nga makahakot it mas maabu nga investments sa nasyon.