Nagapati ro Pangueong Ferdinand “Bongbong” Marcos Jr nga haom eon ro Pilipinas nga bumalik sa normal matapos ro masobra daywang dag-ong pandemic nga tuga it Coronavirus disease 2019 (COVID-19).
Sa pagtambong it Pangueong Marcos sa MassKara Festival 2022, ginpahayag kara nga ro nasambit nga aktibidad hay nagapabutyag sa pagbalik it pre-pandemic activities sa nasyon.
Kinahangean sigon raya para sa pagpabaskog it ekonomiya it nasyon.
Nagtambong man sa nasambit nga event sanday Interior Secretary Benhur Abalos ag Tourism Secretary Christina Garcia-Frasco ag pilang Bacolod local officials.
Ginpahayag dugang pa ni Pangueong Marcos sa anang diskurso nga ro nasambit nga festival hay manifestation nga ro nasyon hay naga-umpisa eon it bangon sa epekto ng pandemic.
Haom eon man sigon ro nasyon nga maghiwat it iba pang maeagkuang festival.
Ro MassKara Festival hay uman nga nagpakita it ugali it mga Pinoy sa pagiging mapag-on ag pagiging resourceful.
