BUSINESS News—Sa pihak it pandemyang naexperiensiyahan it nasyon bangud sa COVID-19 pandemic, naabot it Pag-IBIG Fund ro panibag-ong record matapos makapaguwa it P44 billion pesos nga home loans para sa unang quarter it 2021.
Base sa datos it ahensiya, umpisa Enero hasta Hunyo it makaron nga dag-on, kabilugan nga P44.34 billion pesos ro naipaguwa nga makabig nga pinakamataas nga kantidad ag dobleng mas mataas sa P20.80 billion pesos sa kaparehong tiempo ko 2020.
Mas mataas man raya sa P37.07 billion pesos nga naipaguwa ko Enero hasta Hunyo 2019 kat owa pa ginapatuman ro community quarantine sa Metro Manila ag pilang parte it Luzon.
Ginpaathag ni Secretary Eduardo del Rosario, Head it Department on Settlements and Urban Development ag 11-member it Pag-IBIG Fund Board of Trustees, indikasyon raya it pag abu it mga Pilipinong gusto eon nga maging parte it Pag-IBIG home loan programs.
Kumpiyansa man sanda nga sa katapusan it 2021 hay maeampasan eon ro kabilugan nga home loan releases ko 2019 nga nag abot sa 44.34 billion pesos.
