Owa pa sa makaron nababatyagan it mga pumueuyo sa United Kingdom ro presensya it paskwa.
Suno kay Bombo International Correspondent Ramil Isogon it United Kingdom nga sa makaron hay mag-euawas sa mga panimaeay it Pinoy hay owa pa it nakadisplay nga mga christmas decors ukon mga paeamuti sa mga lugar ukon panimaeay sa nasambit nga lugar.
Samtang, nasayuran nga sa makaron hay mas ginaabangan it mga residente eabi eon gid it mga pamatan-on sa UK ro nagahliapit nga pista minatay ukon halloween.
Kung siin nagapatigayon ro mga pamatan-on it “trick or treat” sa mga panimaeay samtang nagasuksok it mga costumes ag nagakolekta it mga nagakaeain-eain nga dulsi ag tsokolate.
Sa pihak nga parte, eain sa tradisyon it mga pinoy nga pagbisita sa mga sementeryo kada pista minatay hay ginakabig eamang nga normal nga adlaw ro Nobiyemre 1 sa UK ag owa naga-agto sa mga sementeryo kumpara sa tradisyon nga ginapatigayon it mga Pilipino.
