Kalibo, Aklan-Kwestiyonable sa mga mangunguma ag mangingisda it Brgy.Calimbajan, Makato, Aklan kun ham-an nga ginpostponed ro pay-out ukon release sa 53 nga una sa listaha it makabaton it P10,000 halin sa gobnyerno para sa mga naapektirhan it El Nno.
Pahayag ni Joshua Tagua nga ro mga una sa nasambitan nga listahan hay haom sigon nga magpaberipika ukon C.I. bangud sanda hay nagahueat eun lang sigon agud may ipambakae it abono. Apisar, nga ro iba kanda hay bukon it mangunguma apang raya sigon hay may mga livestock ukon kasapatan.
Nagpirma sigon ro andang kapitan nga ihold anay ro pay-out, nga sa kamatuoran mahimo pamatud-an it 53 nga una sa listahan ro andang kaumhan ukon katangkihan.
Halin it alas-12:30 it ru-adlaw hay uwa man sigon kanda it naga-atubang para mag-eksplekar. Bisan sanda suno kay Tagua hay uwa man it ideya kun sino ro naglista apang base sa munisipyo hay halin sa RSBA.
Pahayag nana nga uwa it problema sa revalidation apang basi sigon mabuhinan ukon sanda hay mabayluhan. Dugang ni Tagua nga mabahoe nga bulig eun ro P10,000 eabi eun makaron nga tig-taeanom.
