Kasunod it pag-anunsiyo it Department of Social Welfare and Development ukon DWSD region VI nga pagapunduhon eon nanda ro pagbaton it mga benepisyaryo bangud nga naubos eon ro pondo nga gin-alokar para sa rehiyon hay ro pag-anunsiyo man kara nga magatigayon sanda it payout makaron nga adlaw it Sabado.
Rason nga owa ginahuna-huna it sangka estudyante nga si John Kenneth Moriente nga makabaton pa it text confirmation matapos ro nasambit nga anunsiyo it ahensya.
Suno pa kana nga eubusan ro kalipay nana matapos nga makabaton it text confirmation maghalin sa DSWD kabe-i bandang alas-7.
Ginkasubo gid sigon nana tag nag-anunsiyo ro DSWD nga pagapunduhon eon ro pag-baton it mga panibag-ong aplikante.
Suno pa kay Moriente nga natapos eon sigon nana it comply ro mga ginpaguwa nga requirements it DSWD tag nagpatigayon sanda it nasambit nga anunsiyo.
Samtang, owa sigon it imposible sa pagpangamuyo para sa kapareho nana nga nagakinahangean gid it nasambit nga ayuda.
