Gin-insister ni Pangueong Ferdinand Marcos Jr. ro importansya it Loss and Damage Fund, sangka mekanismong pinansyal nga ginatao it mga developed countries, sa pagresolba it mga isyung pangkalikasan nga tuga it mga industrial activities it mga manggaranon nga nasyon.
Suno kana, importante ro nasambit nga pondo ag ro papel nga pagaobligahan it Pilipinas sa pagdumaea kara.
Nagkasugot suno kana ro mga developed countries nga magkriar it nasambit nga pondo agud mabuligan ro mga kubos nga nasyon nga nagakalisod sa climate change nga resulta it mga industriyal nga aktibidad it mga gamhanang nasyon.
Ginpunto pa it Presidente nga ro desisyon kon sa siin itaeana ro pondo hay nakasalalay sa Loss and Damage Fund Board kon sa siin miyembro ro Pilipinas rason nga importante sigon ro papel it nasyon nga magatao it mabahoe nga impluwensya sa proseso it pagdesisyon.
Kumpyansa man ro chief executive nga bilang host it Loss and Damage Fund board hay masiguro it Pilipinas nga ro mga kinahang-eanon kara hay masolusyunan it maayos.
