Ginpasangkad it Philippine Coast Guard (PCG) ro andang monitoring matapos nasip-eatan ro ‘monster ship’ it China nga pakalat-kalat sa kaeawran nga sakop it Zambales.
Mag-euwas sa ginahimo nga pagbantay it BRP Cabra sa Chinese Coast Guard vessel 5901 hay nakabantay man ro eroplano nanda nga Coast Guard Islander bilang suporta sa operasyon.
Pahayag ni Commodore Jay Tarriela, nga ro eroplano hay ruyon magalista it anuman nga hitabo kaibahan eun ro mahimo nga paghungod nga pagbunggo it CCG vessels.
Masiguro man kara ro madasigan nga rescue operations kung kinahaeangan.
Makapilang beses man sigon nga nagpadaea it radio challenge sa nasambit nga barko it China bangud sa iligal ro andang operasyon sa Exclusive Economic Zone it Pilipinas.
Pagsiguro nana nga padayunon man nanda ro ginahimo nga radio challenge para daeayon nga maghalin ro nasambit nga monster ship it China.
