Kalibo Aklan——-Padayun ro ginahimo nga kampanya kontra sa illegal nga droga it Provincial Drug Enforcement Unit ag Malay Municipal Police Station sa Isla it Boracay.
Suno kay P/Lt. Col. Frenzy Andrade it Provincial Drug Enforcement Unit ukon PDEU-Aklan mas pa nanda nga ginpabaskog ro monitong kasunod it uman nga pagbukas it isla ag pagbuhos it mga turista ag mga trabahador .
Ginatutukan sigon nanda ro mga personalidad nga kaibahan sa drug watchlist.
Haeos kaabuan suno kana sa mga nagabakae it droga sa Isla hay ro mga trabahador nga kaeabanan nga naga-duty it paka-aga .
Sa pihak nga parte, nagapati si Lt. Col. Andrade nga naging madinaeag-on ro war on drugs it Duterte administration sa Aklan matapos nga masobra sa 100 nga drug personalities ro andang nadakpan kaibahan ro mga dayo .
Raya hay mag-eowas pa sa mga nagsurender sa idaeum it oplan tokhang .
Samtang, gin engganyo man it kapulisan ro mga ginikanan nga i-monitor ro andang mga inunga kaibahan ro andang mga ginasundan nga barkada matapos nga mataeupangdan nga pabata nga pabata ro mga drug users ag pushers sa nasyon .
Naga-umpisa sigon ro mga raya sa marijuana ag nagasaka sa shabu sa ulihi.
