Ginsumite it Philippine General Hospital (PGH) sa Sandiganbayan, adlaw it Domingo ro resulta it ginpatigayon nga medical examination kay dating House Speaker ag Leyte Rep. Martin Romualdez.
Base sa report, paga-usisaon it Sandiganbayan kun kinahangean pa baea nga magpabilin sa ospital si Romualdez ukon pwede eon imaw nga isaylo sa regular nga presuhan. Ginaeauman nga maga-atubang sa korte si PGH Director Dr. Gerardo Legaspi ukon ro anang awtorisadong representante agud nga ipaathag ro resulta ag kun may “imperative need” nga padayunon ro anang confinement.
Gindaea si Romualdez sa PGH halin sa Cardinal Santos Medical Center ko Sabado matapos imaw nga maaresto angot sa P7.4-bilyong plunder case nga ginpasaka it Ombudsman.
Suno sa anang motion, naga-angkon imaw it Type 2 diabetes, hypertension, primary hypothyroidism ag iba pang baeatian.
