Ginpueong ni Pangueong Ferdinand Marcos Jr. ro mga opisyal it Philippine Space Agency (PhilSA) sa Malacañang.
Suno kay Pangueong Marcos, raya hay para mabatian ro andang mga plano ag maayos sigon ro anang ginahandom para sa nasyon.
Sa nasambit nga pagpueong, ginpabugae ni PhilSA Director General Joel Joseph Marciano Jr. ro mga nakaplastar nga programa it andang taeatapan.
Ro PhilSA nga attached agency it Office of the President hay ginlunsar sa idaeom it Philippine Space Act ukon Republic Act No. 11363 nga ginpirmahan ni dating Pangueong Rodrigo Duterte ko 2019.
Kumpiyansa man si Pangueong Marcos ngasa pamaagi sigon it mga datos ag siyensya nga may una ro PhilSA hay mas mapasanyog pa it gobyerno ro pambansang seguridad, kamana man ro kahauman sa mga kalamidad ag sa pagpaumwad it ekonomiya it nasyon.
Samtang, mag-eowas kay Marciano, nagtambong man sa nasambit nga pagpueong sanday DOST Sec. Renato Solidum Jr., DND officer-in-charge Senior Usec. Jose Faustino Jr. Ag iba pa.
