Uman nga ginpabaskog ro physical fitness para sa bilog nga hubon it Pambansang Pulisya.
Suno kay P/MSgt. Jane Vega, tagapaghambae it Aklan Police Provincial Office ukon APPO, raya hay base sa mandato it bag-ong PNP Chief nga si Police General Nicolas Torre III. Magastrikto eon sigon ro PNP pag-abot sa physical appearance it mga personnel.
Sa kamatuoran suno kay P/MSgt. Vega, kato pa man raya ginapatuman apang daea it skedyul sa trabaho hay inde malikawan nga may una gidman nga nagabahoe rason nga mas pang pagahugtan ro Physical Fitness Test (PFT) it ahensya.
Sa pihak nga magkaeain ro body structure it kada tawo, mas makapamayad sigon sa mga pulis ro pag-angkon it maayos ag physically fit nga pang-eawason.
Samtang, exempted mat-a sa nasambit nga basehan ro mga pulis nga may una nga serious medical conditions.
