KALIBO, Aklan—Gin-umpisahan eon it lokal nga gobyerno it Kalibo ro pilang mga aktibidad para sa preparasyon sa pag-arangkada it nationwide rollout it Community Based Monitoring System ukon CBMS sa pagpanguna it Philippine Statistics Authority ukon PSA.
Suno kay Engr. Marlo Villanueva, head it Municipal Planning and Development Office ukon MPDO nga mag-eowas sa hiring it dugang nga mga tawuhan hay nagapadayun makaron ro andang waeong adlaw nga training.
Sa maabot suno kana nga Hulyo 21 hasta 28, ro LGU-Kalibo man ro magasanay sa mga ginpangbo-oe nga enumerators ag supervisors.
Ginaeuman nga ro masobra sa 70 nga mga enumerators ag supervisors nga gin-“hire” hay madugangan pa it kapin sa 29.
Sa bilog nga probinsiya it Aklan, sambilog ro Kalibo sa magapasakop sa nasambit nga nationwide project nga nagatuyo nga maka-usoy ag maka-kolekta it mga importanteng datos nga pwedeng magamit agud nga matumod ro mga households sa pagahimuon nga pagplano, pag-budget, ag pagpatuman it mga programa it gobyerno angot sa poverty alleviation ag economic development.
