Ginapahalin ni Gabriela Party List Rep. Arlene Brosas sa Special Education (SPED) program ro pilang “confidential ag intelligence funds” it Office of the President (OP), Office of the Vice President (OVP) ag iba pang ahensiya sa idaoem it proposed 2023 National Budget.
Pahayag it mamalidha, raya hay bilang sabat sa “zero budget” ukon pagkaduea it alokasyon it SPED program sa pangbansang pondo sa masunod nga dag-on.
Suno kay Brosas, igaduso nana ro “realignments” sa proposed 2023 Budget para masiguro nga maka-angkon it pondo ro SPED program.
Ro OP hay may P4.5 billion nga confidential ag intelligence funds sa idaeom it 2023 Budget, samtang P500 million man para sa OVP ag P150 million para sa Department of Education ukon Deped, nga eubus gid nga ginakuwestyon ni Brosas.
Samtang, nataeupangdan man it kongresista ro makabig nga “blame game” uko pagtueur-an it Department of Budget and Management (DBM) ag DepEd kung haman it owa it budget ro SPED program sa masunod nga dag-on.
Dugang pa it mamalidha, indi dapat pagpasugtan ro zero allocation para sa SPED program, bangud raya hay pagkaduea it kinamatarong para sa masobra 5 milyong Pilipino nga “children with special needs.”
