KALIBO, Aklan—Bukon it pabor ro pilang mga pumueuyu ag progresibong grupo nga uman nga ipaiway ro sangguniang kabataan ag barangay election nga nakataeana sa Disyembre 5, 2022.
Para kay Nenita Tugna, miyembro it Lupong Tagapamayapa it Barangay Poblacion, Kalibo ag kaibahan sa Kadamay organization ag Rise-Up-Aklan nga dapat nga punduhon eon ro pauman-uman nga pagpaisoe it barangay election bangud nga nagiging mas mahaba pa ro termino it mga barangay officials kaysa sa pangueo it nasyon.
Nataeupangdan suno kana nga may pilang barangay officials nga owa eon masyadong naga-perform ukon pabaya sa andang obligasyon samtang ro iba hay naeakot sa korapsyon.
Pinaagi suno kana sa eleksyon hay masentensiyahan it mga pumueuyu kon nagakabagay pa nga magserbisyo ro andang punong barangay ag iba pang opisyal.
