Pilang ka mga indibidwal ro nasita sa Kalibo Medalla Milagrosa Cemetery matapos nga nataeopangdan ro mga raya nga nagasolicit sa mga nagabisita sa nasambit nga sementeryo.
Suno kay Fr. Tudd Belandres, kora paroko it St. John the Baptist nga naboe-an ro mga raya it sobre nga may nakabutang nga “bulig para sa simbahan”.
Ginpaathag ni Fr. Belandres nga uwa nagasolicit ro simbahang katolika nga ginahiwat sa sementeryo eabi eon gid sa mga makarundaya nga okasyon.
Ro ginabaton eamang sigon it simbahan hay ro nagapamisa ukon nagapaintention sa kaeag it andang mga nagtaealiwan nga himata.
Ginpaathag dugang nga may gin-eabag sigon ro mga raya nga regulasyon rason nga insigida nanda nga ginpapundo kabulig ro mga nakataeana nga PNP personnel sa lugar.
Padumdom ni Fr. Belandres nga usisaon it husto ro kada aktibidad nga ginahimo it mga indibidwal eabi eon kon uwa it anunsyo maghalin sa simbahang katolika.
