Pilang kasugtanan ro napirmahan sa pagbisita ni Pangueong Ferdinand “Bongbong” Marcos Jr. sa Bogor Presidential Palace sa Jakarta.
Suno kay Bombo International Correspondent Ginavella Limpin-Cumla it Jakarta, Indonesia kaeakip kara ro memorandum of agreement (MOA) angot sa plan of action halin it 2022 hasta it 2027 nga nagatuyong pabaskugon ro bilateral relations it daywang nasyon.
Napirmahan man ro memorandum of understanding (MOU) sa tunga it daywang nasyon angot sa cultural cooperation, kasugtanan para sa kooperasyon sa defense ag security ag development kamana man promotion sa kalakalan ag ekonomiya.
Kaibahan sa mga nagpirma sa mga kasugtanan ro representante it nasyon nga sanday Foreign Affairs Secretary Enrique Manalo, Trade Secretary Alfredo Pascual nga ginsaksihan man it daywang presidente.
