Temporaryo nga ginpakakas sa korte sa New York ro pilang gag order kontra kay dating US President Donald Trump.
May kaangtanan raya sa hush-money case kun siin napamatud’an imaw nga guilty sa pamemeke it mga business records noong ku nataliwan nga buean.
Base sa kasuguan nga ginpaguwa ni Justice Juan Merchan, nga pasugtan maghambae sa publiko si Trump parte sa mga witness sa kaso ag ro labilugan nga jurors sa pagpamati.
Ginabawae gihapon kana ro mgahambae sa publiko parte sa court staff, prosecutors ag andang mga pamilya.
Ginatago ro pagkakakilanlan it mga jurors bangud sa high-profile ro kaso ag sanda hay nagapabilin nga protektado.
Matandaan nga ginpatuman ni Merchan ro gag order ku Marso bangud sa pag-atake ni Trump sa unga it sangka judge kun siin ginpasakaan eun man kara si Trump.
Kinondina man raya ni Trump nga ro Gag order hay bukon it makatarungan ag unconstitutional.
